Willie Dixon

Willie Dixon (* 1. Juli 1915 ois William James Dixon z Vicksburg, Mississippi; † 29. Jenna 1992 z Burbank, Kalifornien) wor a amerikanischa Bluesmusikant. Ea wor Senga, Bossist, Liadschreiba und Produzent.

Da Willie Dixon hod de Entwicklung vom Chicago-Blues in de 50a und 60a Joar entscheidend mitpregt. entscheidend geprägt. Ois Studiomusikant und Hausbossist ba Chess Records is a af an Haffa Plottnafnohma z hean. Ois Bossist vom Chuck Berry hod a zan Siegeszug vom Rock'n'Rolls beidrogn. Ois Liadschreiba und Produzent wor a wia a Schlogafabrik. Ea hod vui vo de bekanntastn Blues-Liada gschriebm, wia beispuisweis Hoochie Coochie Man, Evil oda Back Door Man, de wo vor oim duachn Muddy Waters und in Howlin' Wolf bekannt worn san.

Da Dixon hod oba aa Rockgeschichte gschriebm, wei vui legendeare Rockbands seine Liada afgnumma hom, z. B. de Rolling Stones (Little Red Rooster), Ten Year's After (Spoonful), Led Zeppelin (I can't quit you, baby), Jimi Hendrix oda The Doors.